Predator 2

Predator 2
鐵血戰士 2

今次又有新野！！！呢隻係1/6空心膠手辨，Predator 2 入面隻外星獵人！！！

因為上次搞完隻吹波糖，所以搵番以前買D空心膠出泥睇下，

原來當年(成三十年前)響信和買唔少XDD，其中呢隻算係云云最不可能上色既，

因為冇諗過上色(太複雜)，所以一直都係發mo既XD，當年冇E加咁多成品賣，

好多人買呢D空心膠痴埋企得已經好滿足，我當然都係其中之一，

大大隻造型又好，放響屋企幾有型架，雖然冇色但都覺D造型師好勁，

好似呢隻咁，雖然係空心膠但細節都保留到，覺得可以一戰，

終於去到今次決定挑戰下佢，可能放得太耐，有D位都變左形合唔埋，

好彩平時四圍睇人地點玩模型，記得模友教用風筒吹軟後可教番正的，

果然吹完可壓回正常，好彩呢隻夠晒大隻，上色時都沒有太大問題，

都係上好底色，跟網上圖片一步步上細節便成，最難應該係個死人頭，

佢頭頂D花油死人，好彩大件，馬馬夫夫便成XDD，個身D網最後油上，

又係油到嘔血XD，因隻野係濕濕地既，最後盔甲外既地方噴光油便成，

大家都知呢隻鐵血戰士唔係透明就係黑蚊蚊，基本上唔清楚個身有D乜，

今次砌佢真係由頭到腳都一清二楚晒，多得網上好多圖片(成品figure多)，

冇佢地D資料就完成唔到了，砌模型真係要試過先知點玩，搞完呢隻又學唔少野的，

同埋發覺年紀大砌大件野易D...XDD，哈哈~好~總算挑戰過，希望下隻好D^^V