Rommel and Kubelwagen Type 82 隆美爾與82式二戰德國軍用水桶車

 

Rommel and Kubelwagen Type 82 隆美爾與82式二戰德國軍用水桶車

又清一盒軍事小模型！！！

佢係田宮1/35 82式二戰德國軍用水桶車仔！！！

哈哈~其實真係細件相比D虎式戰車XD

當年買呢盒係鍾意四條水抱車胎，星星有幾款呢架車，

但係呢盒模型好得意，架車用水抱胎同有個將軍加兩個兵、

仲有無線電機同帳幕各一，所以揀左呢盒，

好幾年前車仔砌到上好晒色便放埋一邊，原因係個將軍.....

當年上網搵料時先知呢個將軍原來係頂頂大名德國陸軍元帥沙漠之狐隆美爾！！！

哈哈~~唔係講笑，砌兵仔砌到名人都係第一次，

由於當年技術有限，唔想浪費左隻兵所以放埋一邊等油多D兵先搞，

最近清貨就出力完成左佢，星星呢隻隆美爾我相信係田宮力作，

以田田來講算高質了，呢套模型原來係特別版來的，

基本上係兩套模型加隻隆美爾而成，即車仔連司機+無線電連兵連帳幕，

套無線電連兵連帳幕係非常舊既產品，今次便放棄了.........哈~

雖然全力去油呀將軍，但係都係果句----希望下隻好D.........哈~

至於架車就冇乜投訴，星星做得好好了，好下次見^^V