Ez8 Gundam Ez8 高達

Ez8 Gundam Ez8 高達

今次又輪到出隻高達模型啦~B記1/100 MG

呢隻一睇就知係Ez8 高達啦！但係點解有V角既！！！？？？

哈哈哈~~今次都算係玩野之作，其實我都係比較傳統既，

唔多鍾意改原設定既，不過呢隻就好有衝動玩下！！！

當年08小隊以實戰為賣點設計MS，自護機就好成功好型，

但係聯邦D機就好薯下，同元祖高達先進瀟灑好兩極，

去到Ez8仲連標誌性V角都去掉埋，我又唔係話唔接受，

只係最好型D啦咁XDD，所以當年啪起左佢都係呢種感覺.....薯XD

後來貪得意加隻V角比佢，又真係好似醒番D咁喎！

腳板加長又再型D，加長埋前裙甲就再型D.........

最後鏟晒D鉤呀托呀心口機關槍呀就真係型晒了XDD

不過當年改呢D係好粗糙，完全唔見得人，所以又係放埋一邊十幾年！！！

最近專搵呢D爛尾模型出泥搞埋佢地，見呢隻可以一戰，

快手快腳一野直落完成，本來想砌埋個背大箱，不過放棄左了，

明明高達支火箭炮吉響條腰就得架啦，點解要整一大個箱背住咁麻煩XDDD

完成後覺得幾好丫XDD！希望大家鍾意^^V