Y-Wing Starfighter 星球大戰 Y翼戰機

Y-Wing Starfighter 星球大戰 Y翼戰機

今次又轉一轉口味，出隻科幻名作先！！！

呢隻就係B記1/72星球大戰系列元祖戰機之一既Y-Wing喇~~~~~~

B記大約2014年起買下星戰版權後，就致力開發大量星戰模型，

呢隻係最早一批來的，但係絕對不弱，B記唔做MS轉做靜態模型一樣掂，

其實唔止掂，係好X掂XDDD

尤其呢隻Y-Wing超精密既原設，B記都一一還原到！！！

製作時我都不止一次媽媽聲.....對不起係嘩嘩聲先岩XDDD

真係要多謝一下B記，令不少星戰迷可一賞訴願，擁有高質素模件,

不過B記呢系列模型可能出得太遲，新世代又對星戰陌生，

老野又只係喜歡早期星戰，早幾年香港仲一街死貨賤賣，我都盡救買左唔少XD，

不過B記應該可以拉上補下既，好似隻大閃燈star destroyer我就只係響街見過一次！！！

不過買左一堆就只係啪起便算，因為星戰模型我都好鍾意，

但係對自己技術冇乜信心，所以一直都冇上色，到最近終於的起心嘗試一下！！！

於事決定搵呢隻Y-Wing操刀，因為佢有晒舊化精密上色元素，

一次就可練習多種技巧，最後經過一番努力終於完成XDDD

係呀我攪得唔錯了XDDDDD，希望下隻好D！！！

講開又講當年睇星戰製作特輯，話D道具模型用好多軍事模型零件做的，

今次上呢隻色時發覺真係好多地方熟口熟面的，好似我咁砌過唔少舊星星模型既，

應該都發現到B記都有忠實還原佢地出泥，真係good old days~~^^V