HG Freedom Gundam 自由高達

 

HG Freedom Gundam 自由高達

今次又輪到出高達啦^^仲係超人氣的..........
冇錯~就係型到爆Seed既自由高達XDDD
講到呢隻高達，當年有幾勁係人都知，
處身當年既高達友梗係要買番隻啦！所以一出便掃入，
呢隻1/144 HG買左啪完止痕便完成使命XDD
去到出MG就更加冇佢見光之日，MG確係靚好多，
呢隻又短腳又短翼真係唔掂，去到好多年前我攪完隻突擊高達，
(大家可看番之前D貼)，改造玩上癮，就搵翻呢件填海品諗住改下佢，
其實當時RG都出左，不過見唔係好靚所以想自己做一件岩心水的，
睇完一輪決定改長對翼、加長前裙甲、背裙甲、小腿大腿腰都要加長，
仲有對翼炮，參考MG設定，改到佢可以大開翼時屈向前，
完成全射形態！！！對翼cut走長果段用膠板界出從新造的，
當年技術有限攪左好耐，結果千辛萬苦下完成，
不過上完灰又放埋一邊XDD，又一次証明我真係耐力不足XDD
放下放下去到HGCE都出埋，見隻野出得幾好(其實同我呢隻差唔多XDDD)，
於事又搵翻出呢上底色，上完底色又放埋一邊XDD.....................
終於最近KO完成，上水貼時發覺呢隻自由好獨特，
又唔係奧布又唔係札扶特又唔係地球聯邦......
結果上網睇完一輪，原來係ET(Eternal)來的XDDD

好明顯我都唔係高達迷級數，D水貼又要睇單位所屬，
又要睇番號、邊間軍工廠，機師徽章徽號...........@_@"

結果手頭只有MG括貼可用，冇計啦用左先啦XDDDD哈~~~
雖然唔係咩大作，總算係一場美好回憶^_^V