Dessler Battle Carrier Ship 狄斯拉戰鬥空母

Dessler Battle Carrier Ship 狄斯拉戰鬥空母

HI~大家好！！！今次又係紅色XDDD

呢隻係B記好耐好耐之前既模型，宇宙戰艦大和號入面既狄斯拉戰鬥空母，

比例盒面冇寫，網上話1/700，大約十三吋長，當年B記呢類戰艦好抵買的，

小時候買過佢架，不過呢隻係復刻買的，又係成二十年前XDD

近期出力攪埋的，主要又係花時間玩粒粒，刻一些線等，

加粒粒時都係跟感覺造，主要係看起來自然，唔需要太複雜咁，

佢呢隻野好過癮的，艦面跑道可以翻開，拉支狄斯拉炮出來，

再變成戰鬥型態非常有趣，記得細個第一次砌係攪唔掂，

玩到翻晒肚的，所以今次砌時特別小心打磨，希望可以變型一野過的，

但係結果都係失敗了XDDD，要抽開甲板尾兩粒小膠粒，

成條甲板抽起反轉再合番埋先掂，所以大家砌時留意唔好癡死果兩粒膠粒了，

上色都係一般加流水舊化，參考最新B記呢隻三世小空母上了些跑道白線等便完成！！！

大大隻放響屋企幾好睇架^^V