Toyota Celica LB Turbo Gr.5 豐田司力架LB渦輪增壓 Gr.5

Toyota Celica LB Turbo Gr.5 豐田司力架LB渦輪增壓 Gr.5

好快又出出貼先！！！今次係孖星七十年代1/24產物，

近排係咁出貼其實唔係我摩打手砌得快，

早幾年冇乜貼係因為搞唔掂部電腦同相機，

砌埋砌埋冇出，E加追番姐XDD

好似呢架又係砌好好耐的，當時仲砌緊架掃把佬，

走去四圍搵銀底藍油，買左幾支覺得唔好浪費，

就用左支落呢架車度，其實呢架車唔係銀底藍的XDDD

講開呢架車又係童年至愛之一，七十年代造型可以咁超級真係少見，

細個見到真係流口水，仲可以入電行既厲害唔厲害！！！

後來大左至知原版司力架個樣........

唔係唔靚，不過真係完全認唔出XDDD

E加睇番其實只係前加後加大包圍！！！

加上羅敦司得贊助，當堂醒目靚仔左好多XDD