RX-139 HAMBRABI 泰坦斯可變形機動戰士魔鬼魚漢摩拉比

RX-139 HAMBRABI 泰坦斯可變形機動戰士魔鬼魚漢摩拉比

出左一輪渣古要休一休XDD，今次就出隻高達世界中非常有特色既機體HAMBRABI先，
呢隻係舊1/144 Z高達模型一員，可以完全變形，當年唔算好人氣，
因為模型本身造型一般同埋完全冇武器，除可變形外就冇乜賣點了，
但隨著時間既過去，開始比高達迷漸漸接受，可能因為後來高達機體既設計不濟吧！
過左咁多年好多人都覺得，Z高達入面既機設，原來一早已去到高峰頂點，
當代大師既神作沒人能超越云云，呢隻就係大師永野護既作品喇！！！
Z年代真的令人回味，多得HGUC近年不斷推出，好多機體得以復活，
呢條魔鬼魚當然走唔甩啦！今次仲齊晒所有武器真係一流，
可惜我一早就砌左佢既舊模，所以冇買隻新泥砌了，
講番模型，當年都算大改，又切腰，頭部、兩肩、腳板加長、裙甲重新造過.........
仲自製左支槍，不過支槍斷晒，咁岩多年前十蚊買左盒舊模葛士尼，
咁今次就砌左佢支槍比魔鬼魚用了，當然魔鬼魚支海蛇電鞭就欠奉了...........
八十年代真係令人好懷念，D野幾十年後都仲咁有價值，可以比商家佬搾乾搾盡，有幾好搵？
你睇獨角獸都搵番好多Z年代機體出泥搵食就知咩事XDD
見隻Zeta Plus出得咁英真係心動天^^