GERMAN FALLSCHIRMJAGER 二次大戰德國傘兵小隊
一連出左咁多高達模型，今次就砌番D軍事模型平衡下先^^
呢次出動既係龍記1/35德國傘兵小隊，呢套模型又係買左好耐架喇，
記得當年買左唔少呢D兵仔，因為覺得很有趣，模型又雕刻得靚，
又可以配搭戰車用，價錢又唔貴，不過油兵仔就非常之艱難，
要油好個面口一D都唔容易，油泥油去都唔靚XDD
好似呢套咁，就係好幾年前既失敗作，油衣服武器都還過得去，
一去到塊面就.....................
不過我又好想油好D，咁唯有上網偷下師啦！！！
經過一輪搜尋，搵到一個老外既視頻，原來要油一個靚面係非常花心機既！
首先要比錢買幾支西班牙水性油XDDD，然後要溝水加色一層一層又一層不斷油上，
隻兵咁細真係油到媽媽聲！！！睇佢都油得咁辛苦你話到自已油會點呢XDD
我跟佢既方法油左上一次老虎P既戰車長，的確係比我以前油既好好多，
雖然我偷懶冇跟足XDDDD
去到最近又想油下，咁諗起呢套兵仔未完成，就決定睇下有冇得執一執啦！
因為做好晒要洗走個頭D油太多功夫，所以決定掃幾層油執執算XDDD
哈哈~~練習姐練習姐唔好噓XDD，拿拿做埋個小情景算係咁啦！！！
不過下次一定正正經經油番次先得^^
