MS-07B GOUF 自謢軍機動戰士老虎

MS-07B GOUF 自謢軍機動戰士老虎

又搞掂一隻一年戰爭既機體啦^^V
呢隻係1/144 HGUC極早期產品，成十四年架啦！
記得當年一出即入，因為佢同渣古係唔同既XDD
兒時睇電視見佢出場，真係好堅壯，同渣古係唔同既XDD
雖然同渣古係唔同，但一樣係比高達片瓜左XDD
如果皇牌機司既專用機塗裝都與別不同的話，咁呢隻老虎應該唔係專用機了，
同大魔一樣，賴巴同三連星都只係渣普通版戰敗既XDD
不過真正原因應該係當年唔知高達可以咁搵錢，冇好好設定就真XDD
最近見BUILD FIGHTERS隻老虎咁過癮，我都快快手完成左佢，由於係好早期產品，
所以呢隻HGUC個造型冇玩殊仔LOOK既，無需改造已非常威武！！！
講開BUILD FIGHTERS話時話做完曬都冇幫襯過，可能真係年紀大啦XDD
個人覺得主要係冇乜投入感，機動戰士本身就已經係虛構，
佢再響虛構既世界再虛構，就覺得有幻想既玩具變成真係一件玩具，
對成年既人就比較難接受，但係睇片我又冇乜問題喎！買就.......
佢D模型雖然對我冇乜吸引力，但係佢就開托左一個新方向，
就係理順左大亂炒既道路，今後所有左痴右痴都冇問題，
對我有大量舊模型既人來說，的確係一件喜訊XDD
講到真實感，好快會出隻thunderbolt舊渣古，呢隻真係我杯茶，
冇買模型好耐既我要出手了！！！