Panzerkampfwagen VI Tiger (P) 德軍保時捷-虎式重戰車

Panzerkampfwagen VI Tiger (P) 德軍保時捷-虎式重戰車

又出坦坦啦~.....今次呢隻係比較罕見既保時捷虎，
一般簡稱Tiger (P)，佢響二戰時期係德軍既試作品，
同高達入面隻強人差唔多，係用來準備量產用既，
不過最後性能不及對手，結果量產成功既就係Tiger 1了，
咁Tiger 1就即係格魯古古啦XDDDD
呢隻保時捷虎雖然係失敗作，但對模友來說唔打得但好睇得喎！！！
我記得買佢既時候就係因為未見過同幾有型而入既，
又係成十年前既事，當年上網找佢既資料都好少架，
原來佢只係出過幾部實戰過，冇乜資料都好正常呢^^
模型係1/35 Italeri跟據原型機既設定產品，並非實戰時設定，
所以好多野都好簡陋，素組後非常之樣丙XDD，所以忍唔到手想搞實戰型，
咁眼高手低既我就係咁攪係咁攪，又括防磁紋又加裝甲....
總之我記得拿住幾張相就玩得好開心既XDDD，最下面有幾張相見証既XDDD
不過去到上色就放棄左了，可能當年對上色冇信心同好多其它模型吸引所至！！！
就咁過左好多年，去到龍記生產出實戰版，響模店又抵受唔到引誘....
就將佢同象式一起買了回家，哈哈~~，象式個底盤就係保時捷虎果個羅！！！
象式又係好鬼死正既，所以話姐！保時捷虎雖然廢，但就成就左兩件模型坦克極品^^
龍記做保時捷虎既考證，我估點都有番咁上下掛XDD，而且套件仲提供多張蝕刻片，
經過一番比對，發覺用了蝕刻後有大量原先部件冇用的了，就決定用得既都剪晒出泥，
當然係力晒去比我架Italer補強啦XDD，最下面又係有幾張相可以睇下我加左D乜既^^
最後盡量再跟龍記說明書改改，到上年又係少女與戰車XDD挑起條根，
又力番出泥上色攪埋佢，其實呢隻野一開始就冇諗過要考證D乜乜，
純熟一條模友自我陶醉之作泥，好似指揮塔個紅外線裝置，只係我覺得有型，
同埋田宮套鐵輪豹式有三套咁多，力套泥用下唔好浪費丫麻XDD
仲有砲塔頂中間果條粗厚間格，又係因為原型先有既，
見好有型所以保留(其實係費事改)XDDDD，所以呢隻絕對係空想作品泥，
大家千祈唔好跟><，最後搵左兩隻田宮戰車長加持便成^^