ROBOCOP 1/6 SCALE MODEL KIT 鐵甲威龍1/6空芯膠手辦模型

ROBOCOP 1/6 SCALE MODEL KIT 鐵甲威龍1/6空芯膠手辦模型

幾個月冇新野出真係太懶散了，最近看了那套新鐵甲威龍，
又挑起了點童年回憶XDD，當然又係去床下底巢番佢出泥回味一下^^
咁順手又再執番靚佢熱下身啦！好耐冇噴油了XDD
先講電影，用今時今日既製作翻拍，故事、機設都唔算差，
我就冇乜投訴，睇完仲好有興致睇番套舊版XDD
舊版既鐵甲威龍雖然比較論盡XDD同埋支FUXKing gun無限子彈XDD　
但係呢D經典神級既野就係強在原創，你跟人就算幾好都只係模倣，
其實唔止呢次，做左幾十年人，每次看呢D翻拍電影都好感觸，
感觸D乜？............就係世界沒有前進沒有希望............
我呢一代生於上世紀七、八十年代XDDDD見証著一次一次又一次既傳奇，
當你看2001太空漫遊，你會期待2001年世界會變成如何，
當你看星球大戰，你會期待將來既科幻電影會有幾天馬行空，
當你看第三類接觸，你會期待外星文明既發現，
當你看奪寶奇兵，你會期待尋寶機關仲可以如何精彩，
當你看異形，你會期待將來既怪獸可以有幾恐怖兇狠，
當你看捉鬼敢死隊，你會期待仲有D乜鬼會仲好玩，
當你看回到未來，你會期待車車可以四圍飛，
當你看未來戰士，你會期待機械人可以為你做D乜XDDD............
先唔好講真實世界科技發展如何，
如果三十年前有人同你講...細路~~三十年後冇新野睇架，
果時都仲係做星球大戰、高達、蒙面超人、六鼎記、宇宙戰艦、
同埋砌多次鐵甲威龍....XDDDD，細路一定會話你ON膠啦！！！
有乜可能呀！呢D舊年架，今年果堆新野仲好睇呀，三十年仲係呢D？
哈哈~~但係事實往往都係殘酷既！！！講番隻野先XDD
呢隻鐵甲威龍係1987年HUIA製既空芯膠1/6手辦，足足二十七年...
記得當年學生哥行過灣仔一間E加冇左好耐既模店買既，
應該係我第一隻手辦泥架，原裝正版貴野泥架XDDD
不過真係好鍾意好肉痛咁買左XDD，大家看一看呢隻鐵甲威龍，
二十七年前已經可以做到咁高水準！！！由於唔識油梅菲個人頭，
所以當年冇油到佢，只係噴左銀同手油黑滲墨等便算完成！！！
最下面影左張相留諗^^
今次做法都係差唔多，只係用gaia星光銀番噴完再上光油，人頭就試用
model color既水性油手油既，油得一般，經驗值加一點XDD
其實好多人都會打打透明藍，等佢好似不銹鋼咁好似好勁咁！！！
不過我睇番電影同近期Hot toys既新作參考後，都係決定唔加，
呢個純熟個人喜好泥XDDD，話時話今次Hot toys隻鐵甲威龍真係冇得頂，
佢做到個外形好之外，仲可以右大比藏槍，滿分收藏品呢！！！
好啦好啦！就咁幾十年啦！經典既沒有被超越，咁跟住果幾十年點呢？？？
好似好絕望咁呀~~~~，哈哈~~點算呢！！！
最後講講，有一樣野真係科幻片先有既野出現左既！！！
的確呢樣野一出，馬上就可以劃分時代！！！
連今年同舊年既動漫、日劇都分得出咁厲害既！！！
冇錯冇錯！！！你估中了，就係一九六六年地球星際艦隊，
人人敬仰既企業號卻克艦長使用過既手機啦XDDDDD
上年仲好多用摺機，E加一定係大芒篤手指， 改變翻天覆地，
先進過卻克果部多多聲天呀！！！呢樣野真係近年真正少有能改變世界既東西！！！
今後唔知仲會唔會有驚喜呢？真係只有說句~希望在明天呀~
七、八十年代可能真係一個異數，相比一個古代既人，
唔好話幾十年，可能一生甚麼都沒有改變過，能夠經歷可能已是福氣^^