Panzer Kampfwagen IV Ausf.D 德軍四號戰車D型
今次又輪到出坦坦啦~.....田宮早期產品泥的，
呢隻四號戰車大家都好熟識呢^^......冇錯！！！
就係少女與戰車主腳既坐駕啦！！！記得前年年尾套動畫做到就完，
佢竟然停左要等成三個月至做埋個結局，真係比佢吊癮吊到死死下之際......
當然就要打下呢隻D型既主意了，其實呢次睇少女與戰車要睇到好後期至
對呢隻D型有興趣，因為我係重砲系，只係對大大碌砲既坦有興趣，
但D型實在太細兜了，所以跟本唔需要巢床下底都知冇買過XDDDD
咁套片玩到呢隻D型咁神，心諗就算出去買都怕搵唔到啦，
抱住撞下運氣既心態搵左好多間模店，果然一盒都冇XDDD
但係可能又係命運既安排，終於響最後一間搵到，仲好平$90蚊咋！！！
當然平係因為呢套係好早期既田宮1/35產品，仲係菲律賓生產既XDD
不過岩我架喇~~止下痕一流XDDD
砌左上埋底色睇埋套片結局後，又係一貫放埋一邊了事XDD，最近才把它完成^^
講番套模型，如大家所見又係一貫早期田宮既水準，唔好講佢考證有冇錯，
因為我都唔多清楚XDDD但係咁既價錢仲有三隻人仔真係冇投訴了，
雖然果三隻人仔只係一般水準，而且早期德軍戰車兵實在比較難搵，
所以便油埋佢，作為我砌坦必有人既一貫作風^^
上色方面，我對呢D黑蚊蚊既模型其實真係怕怕，無論車車、飛機、高達都係，
左望右望都係黑蚊蚊，都唔知點攪好，唔怪之特價死貨大多係黑版XDD
想好看一些唯有響舊化方面重手一些，其實上網睇過一些二戰坦克實照，
坦克大多數都係一身沙塵，跟本只要上完底色，然後灑滿模型泥粉，
fing兩fing便成XDDD現代既坦更加係咁XDDD唔駛攪咁多野既XDDD
不過模友大多搵苦泥辛，又要生下銹又要甩下青、呢度果度中下彈撞凹爆甲、
攝泥漏油............總之乜都有就唯之一流啦^^
我都盡曬力架大家就將就下啦，畢竟我都只係一般模友唔係資深果隻^_^"
咁唔係好識最好就係跟說明書睇盒面照砌，比人話你錯呀呢度果度，
你就可以大大聲話：人地幾十年大廠錯關我春事麼XDDDDDDD
