Space Battleship Yamato Earth Defense Force MAIN BATTLESHIP 宇宙戰艦大和號地球防衛軍主力戰艦

Space Battleship Yamato Earth Defense Force MAIN BATTLESHIP 宇宙戰艦大和號地球防衛軍主力戰艦

今次完成既係Bandai三十年前既出品，唔知咩比例既宇宙戰艦大和號地球防衛軍主力戰艦！！！
呢隻野係上次貼完隻彗星帝國戰艦後，乘住度氣一野直落KO而成，其實隻野啪左成十年，
雖然冇上色但係成日都會拿出來看看的，咁多年來除左高達，宇宙戰艦大和號都算係我第二至愛，
不過真係好慚愧，咁多年來正經既只係做過之前隻導彈艦，雖然砌過好多細細隻果D，
但係都係學生哥D劣作，所以今次就比較認真去完成佢，砌呢D科幻戰艦比較少，
所以都係上網找找各高手既作品參考下，見好多高手都會為模型加上很多細節零件，
睇番隻模型又真係好似滑碌碌冇乜野睇咁XDD 想靚冇計啦！唯有學下人加番D細節野啦，
搵張手頭最薄既膠片CUT左幾條幼條，再切成各式大小，就膽粗粗咁痴上去啦XDD
今次又係出動星星尖尖膠水既時候了，點上一點就放一粒膠，足足玩左三個鐘！！！
呢隻星星尖尖膠水又好用又好力，冇左佢真係唔得，早前隻1/700名取又係靠佢架XDD
雖然好日都唔用下，但係真係要買支防身XDD 痴晒D粒粒後，再拉D幼膠絲互相交接便成XDD
其實玩呢D科幻野冇乜準則既，自已鍾意痴邊度痴幾多都得，所以我都係做到過到自已便算，
跟住上埋底色便玩滲墨同舊化，主要都係用星星XF-1做既，呢個功序其實做既時間係最長既，
難在要船頭到尾做到垂直既污漬流痕，又要自然平均，因為小的功力未夠班，
失敗了幾次先完成到>< 真係玩死XDD 不過完成後又好開心既哈哈~
仲有個尾部引擎，因原設既紅色比較卡通，所以改上了深灰色，感覺比較自然XDD
做完今次呢隻習作，又真係學到DD野，模友就係咁架啦，個腦想到天花龍鳳，
去到隻手就敗興而歸..........哈哈~~
不過星爺講過"模友有夢想，咸魚不是我"好似係XDDD