Gundam Seed Strike Gundam Part-1 機動戰士高達Seed 突擊高達 Part-1

Gundam Seed Strike Gundam Part-1 機動戰士高達Seed 突擊高達 Part-1

出左一輪其它成品後，今次又回歸高達既世界啦^^
呢隻係Bandai 02年既1/144 HG產品，算係Bandai高達模型一個新起點！！！
記得當年Turn A可能太前衛好多人接受唔到，D模型去唔到搞到笨大好慘XDD
可能傷得太重，要休養生息一下，過了很久乜沒有新作，仲以為高達從此收皮XDD
高達迷苦等兩年後，新世代高達卒之誕生了！！！先唔好對呢套非UC作品打分，
對我來說有新野睇又有新模砌先係重點，結果笨大成功打造了一個傳奇-Strike Gundam！！！
呢隻突擊高達響笨大任何一個模型系列都可以找到，究其原因當然係賣到錢啦XDD
佢比其它高達厲害既地方就係玩背包，淨係搞下個背包又一件新產品，
真係比佢搵唔少模友錢架，我就係其中一個受害者啦XDDD
由於當年呢D 1/144 HG高達就咁啪起已經有板有眼，成品算係多色又關節可動性幾好，
以當年計真係一個新技術新開始，之後既HG都係跟呢個模式發展既，就係因為咁！！！
跟住出既就一盒一盒咁買，啪左一隻又一隻，結果啪埋啪埋一大堆，但係都冇上色既XDD
到套片做完，熱潮過去，全部去晒床下底了XDDDD
轉眼十年過去，Gundam Seed Remaster既出場，點燃了我一點完成呢隻野既欲望，
但係搞下搞下搞到E加先完成到真係見笑，其實搞左D乜呢？！
大家見個標題都可能估到啦XDD毛啦啦Part-乜鬼野One呢哈哈~~~
冇錯~就係D背包出事啦....................
唔...講番今次Part-1 有乜野先啦！！！今次主要係由最基本既裝備為本，
以 Bandai 1/144 HG AILE STRIKE GUNDAM 加上Hobby Japan 2012年4月號附件為主既，
主體改動了一些地方，腰及大腿加長了，頸及肩關節加工，同埋複製了Strike Noir
既腳板，左搞右搞而成(其實搞咁多野做乜，買隻RG好過啦自已都覺得XDDDD)，
套HJ附件用了幾套手掌(合手除外，係手辦來的)加上什麼動感肩關節去影相，
的確有D動感架XDDD 當然呢套附件最珍貴既係把斬崩刀啦XDD 本來仲有膝關節用架，
用左可以跪腳，不過對腳加長做好晒先買附件所以冇用到><，水貼用了一些時毛既XDD
講真呢隻野搞左好耐，靚唔靚值唔值真係見仁見智，不過我都係希望大家喜歡既^^
好~~希望Part-2盡快貼出^^V