Martini Porsche 935/78 Moby Dick & 936 Turbo 馬丁尼保時捷935/78無比敵 & 936渦輪增壓

Martini Porsche 935/78 Moby Dick & 936 Turbo 馬丁尼保時捷935/78無比敵 & 936渦輪增壓

又輪到出下車車^^ 今次賣大包一出出兩粒XDD
冇錯就係呢兩粒1/24星星牌波子啦~~相信比較年長既一代都對六、七十年代，
保時捷如何威風如何領導車壇津津樂道，但對於比較年青的我XDDDDDD
講真對保時捷有所認識絕對同田宮模型有關，當年田宮出保時捷既模型，
真係砌模型既一定會買，唔砌既都買！！！點解唔砌模型既都買呢！！！
因為可以當玩具玩羅，以前星星D模型車，可以裝摩打行架，好似四驅車果D咁架，
好似呢兩架咁都係可以行架，不過三十年後翻出既就去掉了呢D功能，
不過有你都唔會整啦E加XDD，其實呢兩架車係十年前既作品泥，
Martini呢個花絕對係經典中既經典，雖然只係幾條紅黑藍帶，
但套在保時捷流線既車身上就變得美輪美奐，吸引力非同小可，小的就係臣服者之一！！！
見當年再版就即入回味一番，打開模型又見番個老朋友(個車手)XDD
記得以前盒盒星星車都有呢個車手XDDDD　不過今次冇油佢.....
白雪雪既車當然係要水貼靚啦，咁買左好快就開功，
希望張靚靚水貼響最新淨既時候完成，當時好用心砌既，
用晒砌車既技法又水貼軟化劑又卒又磨又光油，砌完自已都好滿意架！！！
隨住年復一年，轉眼十載，模型友既悲歌又再次唱出.........
黃呀黃~~~嗚~~~黃呀黃~~~嗚~~~黃呀黃~~~嗚~~~
哈哈~苦笑！！！睇番架車好明顯係郡仕super clear光油黃左，
不過估佢唔到既係連噴左好多層光油既水貼都黃埋，
咁即係點呢！！！咁即係你砌白色車車要有心理準備，
又一係唔好砌白色都得既..........
冇法啦趁佢地仲有D姿色就影番D相留諗啦XDD
大家忍忍唔好噓佢啦^.^