A-7A CORSAIR-II 美軍海盜二式攻擊機

A-7A CORSAIR-II 美軍海盜二式攻擊機

今次又輪到出飛機了^^今次完成既係富士美1/72 A-7A CORSAIR-II 海盜二式攻擊機！！！
本機有兩套水貼選擇，左度右度都係選了鯊魚口VA-93 "BLUE BLAZERS" MIDWAY，
其實呢隻機係早幾年買既，之前都買左唔少自已鍾意既機機了，可能買到冇乜好買，
又忽然有日好想買飛機，去模店見佢咁樣衰不過幾過癮又唔貴就入一盒快快走人，
回家看看都OK過得去，不過富士美D水貼又係好似長谷川唔夠白，比較粗糙，
日本出既模型水貼唔知係唔係技術問題，通通都係唔多掂，模友媽聲四起XDDD
所以近年好多都交比CARTOGRAF代工了，雖然要比多少少錢但模友應該唔會介意既，
不過買左一大堆舊模既就唔多高興了...........
咁點呢？！哈哈~唯有又當練習用啦！！！
今次砌呢隻機比較容易，可能之前砌左幾隻練習過，
自已有了一定既功序，只要一步一步便可完成，
不過完成後又出現那種感覺了，什麼感覺？當然唔係第七感啦XDD
就係很好看，無論左右上下前后每一個角度都很帥，
呢種感覺響其它模型係冇咁強烈既，唯獨是戰機先會咁！！！
咁係唔係因為我其實最鍾愛戰機呢？真係連自已都沒有答案^^