VOTOMS ATM-09-GC BRUTISHDOG Fyana Custom 裝甲騎兵女主角菲安娜專用紅色野犬

VOTOMS ATM-09-GC BRUTISHDOG Fyana Custom 裝甲騎兵女主角菲安娜專用紅色野犬

繼上次完成了1/35小狗後，今次完成既係TAKARA 1/24大狗^^
不過今次完成既心態同上次好唔同，
因為實在對裝甲騎兵充滿好奇，一隻狗狗點解可以風行海外三十年呢！！！
到底機設勁D定係故事吸引呢？所以決定深入瞭解裝甲騎兵既世界到底是什麼一回事！！！
咁最易就係每天上網看一兩集，花了廿幾天終於看完，
其實我已睇過一些近期外傳等，唯主線未曾看過，
結果同估算一樣，沒有看這TV版就等如沒有看阿寶馬沙0079，
你跟本沒有看過高達一樣，裝甲騎兵的確非常獨特，
主角基利哥(又叫激勵哥XDD)，自身係不自知既不死身，
點整都整唔死佢既，本編就係講佢由大家都熟識既紅肩頭吸血部隊及大戰後既故事，
大約都係講佢遇到P.S.完美戰士女主角Fyana菲安娜開始，
經過一段一段既戰爭，基利哥不斷成長，同菲安娜既痴男怨女愛情，
最終...........哈哈幾十集唔講啦XDD
結果睇到好唔夠喉仲追埋D前傳呀、前前傳呀、前前前傳呀、後傳呀、
後後傳呀、後後後傳呀.........可想而知幾好睇呢^^
所以E加唔同以前架啦，可以扮代表架啦XDD
睇過裝甲騎兵本編既都知，呢隻P.S.專用機就好似紅渣古咁，
點可以唔砌番隻呢^^
當年笨大出1/20果陣好平冇買真係有D後悔，
好彩早幾年響玩具街幾草野買到呢盒，呢盒TAKARA 1/24，
又係成三十年既陳年模型，不過呢盒再版有度要讚，
就係張水貼，超正又靚又好上，好可能係比cartograf印既，
砌時有一度要留意，就係駕駛倉開合既問題，
TAKARA真係同大家開了一個玩笑！！！
原來你砌好曬個駕駛倉後會發覺個倉蓋合唔埋既U_U
究其原因，係張座椅上部過大同厚，需要鏟薄才能合上，
整體都係一般製作一般舊化，本來那兩個人形咁搞笑唔想砌架，
不過睇完套片見菲安娜咁慘，咁出於同情心先砌埋架咋^^
仲有隻大手板真係好有懷舊Feel呵~~XDD