古宮陽子1/8手辦人形

古宮陽子1/8手辦人形

今次呢隻古宮陽子1/8手辦人形，完成已多年，
在床下底找出來時已甩手甩腳XDD
原來AA膠係有使用期限既XDD同埋D光油都變黃了，
好一個美少女就咁變左黃面婆真陰公呵.^^
見佢咁慘就幫佢執番靚影相留住美貌啦...
全部白色、紅色、肉色都再上一次色，
頭髮又係再噴過既，本身設定係紅色頭髮既，
我覺得藍色Cool一點比較岩佢所以改了，
執番D甩油呀等便完成，記得當年呢D手辦公仔好Hit下架，
我就係見人買我又想買果D人泥羅^^
期期Hobby Japan都留意有冇好女學人起番件先，
咁呢D女係好講眼緣既，你又唔識佢，
咁緊係睇外在美架啦，見佢一身古裝又性感，
頭髮又飄逸，整體造型好吸引，所以一出便入了，
當年呢D手辦唔平架，拿埋五、六百一件正版，
仲要自己上色...........呵呵版都要二百，
E架出果D六，七百已買到一件手功唔錯既成品，
講真咁既價錢有咁既質素仲搵鬼買白件自己上色咩，
好彩當年我都只係買左幾件姐，
講番呢隻古宮陽子，原來係一隻H-Game既角色，
真係絕大多數人都唔識佢既，日本人創造呢D美少女多如繁星，
年年出書出片出公仔出到已經爐火純青，
D造型師真係勁，立體化後一D都唔失禮，
可想而知呢D美少女公仔真係搵到唔少錢的XDD