Slash Zaku Phantom Yzak Jule Custom 依撒古專用斬擊型幽靈渣古

Slash Zaku Phantom Yzak Jule Custom 依撒古專用斬擊型幽靈渣古

今次完成既係1/144 HG斬擊型幽靈渣古^^
大家都知要得到呢部機體係要玩組合既，
笨大呢間模廠真係非常之賤格，紅、白、綠、粉紅、黑佢都有出HG，
橙渣你可以搵白色果隻噴番橙XDD
但唯獨呢部斬擊型佢死都唔出，淨係出左FG硬直版，
所以你想要，就必需買盒HG白渣同FG藍渣合體先可擁有佢，
仲有你必需再上色至得，對一般玩具模型玩家來說太麻煩了吧！！！
當年好多人都買隻Action Figure算數............
1/100就要自己做果對火神式機鎗了，高手先可擁有！！！
其實呢隻斬擊型我相信好多人喜歡的，
但十年過去，連隻量產Astray要開新模既都出，
佢都冇聲氣，咁冇法啦，自己做吧.........
模型就買左好耐，襯睇緊Remaster版就一口氣完成左佢，
1/144版有兩度地方好有問題，一度係盾上既尖釘，
出到好似幾粒豆咁勁樣衰，要全部換掉，
當年網友教了一個方法，就係用5mm圓膠條，
然後搵個有攪手果D鉛筆刨，隊入去刨呀刨呀XDD
呵呵好用力我個筆刨可能太雞了XDD不過真係好方法來的^^
第二度有問題既地方就係盾內則圍邊偷膠U_U
由於要完成三機(藍、黑、綠)，要補晒佢地真係冇命，
當睇唔到，睇到當盾既結構便可以了XDD
個火神式機鎗背包比較花時間上色，其它都係一般上色，
最後加長了大刀棍便完成，順便一提，
Remaster版內佢同Dearka部黑色炮擊型都有新畫面，
相當精彩，所以下隻Dearka黑色走唔甩了.................