Mitsubishi FTO 三菱FTO

Mitsubishi FTO 三菱FTO

哈哈~今次又出一架cheap車先XDD
冇辦法啦真係仲有好多........
同埋砌左咁耐都唔係好掌握到D技術，
咁唯有繼續受下苦了....
比較靚果D模型我其實都有不少，
就係怕技術未到家浪費左姐XDD
之前都砌過幾架自己幾鍾意既車，
不過砌得唔好，仲絕Q埋版，
所以好有陰影好冇自信玩D靚車，
只有搵呢D平平地又唔係人氣品多練習練習了，
呢隻又係1/24富士美D乜乜'山卡'平價版模型，
特點係冇乜改件既基本型同平($50蚊咋).....
同埋例牌車頭燈D透明罩唔fit又求其既當年製品，
E加富士美可能都仲係好求其XDD
可能佢覺得其它廠冇人同佢爭掛，
而事實講種類佢又真係可以認第一既，
好多款都只有佢出冇得揀......
講番架車，可能呢架三菱係同系列中算新，
所以內籠、車底等都比較好的，
車頭燈有電鍍啪屎，基本上比較容易製作，
當然比較花時間既係車頭燈罩啦！！！
上網找了好多圖片參考，好勉強咁完成了，
哈哈~唔好丙...唔好丙...
大家見果四個車軨係唔係好正呢？
其實係之前架高價VeilSide S15的.....
架S15用呢套軨本來好靚架.....個盒面！！！
但現實係富士美出到走晒樣(講起都仲好勞氣) ！！！
加埋套軨就更加慘不忍睹，真係好鬼醜樣架！！！
所以改用左其它代替，富士美就有呢度好，
D車軨好方便交換使用的，咁左試右試，
結果配在呢架三菱FTO上覺得好夾便比佢用了，
真係平車用貴軨，妹仔大過主人婆是也XDDD