Votoms ATM-09-ST Scopedog 裝甲騎兵眼鏡鬥犬

Votoms ATM-09-ST Scopedog 裝甲騎兵眼鏡鬥犬

呢隻係1/35 達卡拿廠既細比例小狗(非1/24大狗)！！！

同高達1/144差唔多大小，1/24就同1/100差唔多，

算係我第二次砌佢，學生哥時砌過一次，

裝甲騎兵模型真係好野，成三十年賣同一個模都得....

同高達呀超時空要塞呀一樣係八十年代威到今日既作品，

由於香港冇播放過佢既動畫，所以響香港人氣不高，

我亦都一直對佢冇乜火過，只係買過一隻大宇宙狗、

一隻普通小狗同小龜咋！因佢走真實路線，

當年深受軍事模型友愛戴，加上本地模書力托，

都算熱過一時，不過好快就比Z高達呢D蓋過，

其實E加睇翻呢隻Scopedog 真係異端，響果個年代，

大河原邦男唔知發左咩異能，竟然設計出呢件神作，

同佢其它作品比較，跟本南轅北轍，睇過近年新出既動畫，

方知此物為何，此機作戰時既獨特戰術真的使我吃驚，

所以我比較相信當年應該有好幾位軍事高人，

比料佢先設計到出泥，難怪這機體可以賣足三十年！！！

高達老超都唔之幾多後繼機啦，佢仲係呢隻原祖喎！！！

香港仔既我仲記得買襯HobbyJapan來睇，

緊係想睇多D高達啦~哈~點知佢期期都搭隻裝甲騎兵！！！

大佬呀~比左幾十蚊架，你期期搵隻狗霸我幾頁彩頁唔悶既咩！！！

回水呀~~~~~~~~~~~~冇睇過動畫既香港仔就係咁XDDD

講翻模型，達卡拿呢個模又真係出得好靚，

當然活動能力唔得，但外型一流，係對大腿真的短了些，

1/24腳就做得好一點，但上半身同頭部都係呢隻靚，

砌之前D手手腳腳全部切去原先接駁位，用膠條膠圈補回，

方便日後裝卸打磨加工等，呢D舊模唔咁做痴實曬就好惡攪的，

手手用了壽屋D平價丸指手補品，原本對手實在不行呢XDD

大腿加長了，武器背包做足架，不過要兩盒加埋先有的，

一盒紅肩一盒宇宙，本身呢隻係紅肩來的，

後來買了達卡拿三盒一，其實即係一個大盒入面放三套1/35，

先做左太空狗D背包吧，有留意可發現沒做地上沙泥舊化的XDD

水貼用紅肩的因早十年前買的又係粉碎了，用左新果盒張先XDD

呢度發現一樣野，原本當年設計呢隻狗時，呢D標貼已是官方標準，

看TV版ED歌便知，達卡拿跟足設定出的，到笨大出亦都係跟足的，

可見當年大河原可其認真XDD，睇高達果D！！！隻隻都唔同.....囧"

最後用翻之前砌坦既方法胡亂舊化一番便成^.^ 

講開又講笨大新出1/20果隻狗本應靚絕同場，

但有模友反而對達卡拿情有獨鍾，鍾意佢肥肥矮矮夠真呢，

呢個舊模仲有Wave呢間廠玩緊，加D新件又賣幾千日元，

痴根架~~~~所以話佢好野羅，可能賣到我地D孫孫都仲係佢XDDDD