Tornado "Spirit of Boelcke" 德國 "Boelcke之魂" 旋風式戰機四十週年版

Tornado "Spirit of Boelcke"  德國 "Boelcke之魂" 旋風式戰機四十週年版

今次完成既呢隻係1/72 Tornado旋風式戰機，
大約十年前買進既Revell比較特別既產品，
非一般軍用塗裝，係乜乜"Boelcke"四十週年記念花式，
可能近代冇戰爭，德國佬閒時就畫花D飛機消遣一下XDD
買呢盒模型當然係比佢滿身星星既花式吸引啦！
而我又沒有買過Tornado戰機，見佢利華出，
仲唔係貴個喎！當年都唔駛一百蚊呢！當然係速速磅XDD
打開模型看看真的強呀~~利華呢隻Tornado非常精彩，
各方面都令人讚賞，全機精美凹線雕刻，駕駛倉美輪美奐，
仲有大大張水貼，咁既價錢真係超滿足！！！
當時睇下睇下凸然心血來潮，心諗咁鬼靚上左D咁花既水貼，
一定睇唔到D刻線，浪費左架啦！！！
跟住左計右計計出一條一石二鳥既婆仔數，
就係買過另一盒平好多既 Italeri - 1/72 Tornado ，
用佢個body上星星花水貼，咁Italeri張一般戰機水貼，
就用響Revell Tornado上，咁一般灰色機身，
就唔會浪費左D雕刻了！！！哈哈~~就係好計XDDD
咁好快就買左Italeri Tornado，真係一分錢一分貨，
Italeri各方便都不及Revell，其實如果唔同利華比較，
Italeri都可以接受既，全機都係凹線雕刻，不過比較簡約，
水貼唔錯，但駕駛倉就非常簡陋..........
唔咁啦........咁咁咁.....................就這樣一個夢想結束了XDDD
時光飛逝一去十年，找出呢隻利華Tornado回味一翻，
點知一見到張水貼...........竟然發霉了.............大鑊！！！
譁~~點算呀~~...........................個大腦馬上得出六個字........
砌左佢啦快D...........XDDDDD
就這樣上年便把它完成了，同當年既計算一樣，
把利華星星花貼上Italeri上，貼時都有擔心唔岩位的，
但好彩全部過關，呢張星星花貼同砌痛車果D差唔多，
由十餘張大小不同既透明區塊，
上面印上一堆白色星星而成，如大家所見，
幾乎全機都係比水貼包裹住，好彩玩過車車有D經驗，
先噴光澤藍，光澤呢點很重要，水貼貼上時才會貼服的，
利華呢張水貼比一般厚仲係透明，如果D油唔係光澤平滑底，
上左水貼就會有深淺色出現，就算咁做，
我隻機都有少少深淺色出現，
好彩最後上完三層透明光油後就唔多覺XDDD
凹凸同弧位關係，比較難上係機尾上翼同飛彈油箱，
用了好幾次水貼軟化劑才貼服呢！！！總算無驚無險！！！
駕駛倉由於簡陋，所以想整好一點，
彈射座加了點細節，透明倉蓋跟真實照片，
用自製膠貼追加了灰邊，看起來美觀了點XDD
跟住又係放左成年最近先上埋D細節野完成，
至於Revell 隻Tornado到E加都係未郁過呢XDDDD