GUYVER II (FEMALE)強殖裝甲加爾巴 II (女性版)

GUYVER II (FEMALE)強殖裝甲加爾巴 II (女性版)

完成約三年前，由於右小腿甩左，仲飛彈左去個大櫃後面，
要挑翻佢出泥要好大工程，結果就咁封印左幾年XDDDD
最近搬野終於重見天日啦！！！當然馬上又影相記錄記錄！！！
呢隻又係當年信和買既空芯膠手辦，大大隻1/6都係幾十蚊，
當年呢隻野都好Hit架，不過我就唔多清楚佢係乜東東泥XDDD
上網找了資料才上色的呢！原來係小角色泥XDD
不過佢女性既造型真係一流，線條優美又不失強悍，
雖然冇話E加D玩具咁可以玩唔同pose，但就唔會見到D礙眼既關節位，
講開呢套強殖裝甲加爾巴，當年有一個玩點就係不銹鋼鐵珠，
每一款都有大大小小既比你裝上去，我當年就係冇買呢D不銹鋼鐵珠，
所以初完成時十分冇癮的說XDDD，點噴點油都係做唔到不銹鋼鐵珠既質感，
最後都係冇計之下用左模型用銀薄紙包裹完成，雖然冇不銹鋼鐵珠咁靚，
但都頂到下癮便算了XDDDD，仲有一隻未上色加爾巴 III 響床下底，
好鬼大隻天呀，成隻PG咁高的，奇怪當年反而冇買主角？？？
可能冇特價或者一早比人掃曬，所以冇買頂啦XDDDD