Panzer IV Ausf. H Early 德軍4號戰車早期H型

Panzer IV Ausf. H Early 德軍4號戰車早期H型

好懷念呀！！！佢係我第一次玩坦坦舊化既白老鼠泥既呢！！！
執開屋搵番呢隻完成品，拿拿林影完相又張佢收番埋了，
記得當年(約十年前)砌了不少高達模型，上網見人砌坦克又另一番風味，
就走去模店找盒玩下啦，見到呢盒1/35 Academy又靚仔又有型仲鬼死咁平，
對初哥的我來說梗係即殺即開佢波啦，跟住D網上作品左抄一D右抄一D，
總算完成了第一次舊化體驗，其實未玩之前我完全唔知點做，
見人地D作品諗左好耐都唔明，有D睇到目瞪口呆天呀~~
不過真係落手玩多幾件總會有收穫的，再參考人地時就能明多一點呢！！！
不過高手既秘技就真係唔教你係唔知的，自己發掘？呵呵呵了！！！
有D技術就教都冇用的，冇天份就係咁多了XDDD
講番件模型，Academy平就係佢既優點，其它就......
又係加左個龍記戰車兵，油得好水皮，不過E加都唔係好過佢好多XDDDD
早兩年幫佢掃過下粉，但好似唔多覺的，
本來我又想執過佢但都係唔搞了，留番佢做過美好回憶吧^^
不過呢隻四號戰車真係好型，係我最愛之一，
好有可能砌多隻，當然再砌就要買一套正正既先啦，
不過起碼要等我砌多十件八件睇下升唔升到呢先喎XDDD